Այս բաժնում տեղեկատվություն կարող եք գտնել այն մասին, թե որտեղ և ինչպես կարող եք Հայաստանում խտրականության վերաբերյալ բողոք ներկայացնել։
Մինչև պաշտոնական բողոք ներկայացնելը կարևոր է հասկանալ, թե ինչ արդյունք եք ցանկանում ստանալ։ Եթե ձեր իրավունքները խախտվել են, դուք արդյունավետ պաշտպանության իրավունք ունեք, որը կարող է ունենալ տարբեր ձևեր՝ ներողություն, փոխհատուցում, աշխատանքում վերականգնում և այլն։ Մինչև բողոք ներկայացնելը կարևոր է հասկանալ, թե որ ձևի փոխհատուցումն եք ցանկանում ստանալ։
Պաշտոնական բողոքներ պետական մարմիններին և դատարաններին
Երբեմն ավելի ճիշտ է սկսել բողոքը Հայաստանի Հանրապետության Մարդու իրավունքների պաշտպանին։ Կան նաև պետական մարմիններ, որոնք ընդհանուր առմամբ զբաղվում են խտրականության հարցերով կամ վերահսկում են առանձին ոլորտներ։ Տարբեր պետական մարմիններ վերահսկում են գործունեության տարբեր ոլորտներ՝ առողջապահություն, կրթություն, ապրանքների և ծառայությունների մատուցում և այլն։
կարևոր Եթե նախընտրում եք առաջին հերթին բողոք ներկայացնել Մարդու իրավունքների պաշտպանին կամ այս ոլորտային մարմիններին, պետք է ուշադիր լինել, որպեսզի բաց չթողնեք դատարան դիմելու ընթացակարգն ու ժամկետները, քանի որ որոշ դեպքերում միայն դատարանն է, որ կարող է վերջնական որոշում կայացնել խտրականության վերաբերյալ և փոխհատուցում ապահովել։
Բողոքներ միջազգային մարդու իրավունքների մարմիններին
Եթե կարծում եք, որ ձեր իրավունքների խախտումը չի վերացվել Հայաստանի պետական մարմինների կամ դատարանների կողմից, կարող եք դիմել միջազգային և եվրոպական մարմինների՝ օրինակ՝ Մարդու իրավունքների եվրոպական դատարան կամ ՄԱԿ-ի Մարդու իրավունքների կոմիտե։
Այս բաժնի մասին
Ուղեցույցի այս բաժինը կբացատրի՝ ինչպես և որտեղ բողոքարկել խտրականության դեպքերը, և որտեղից կարող եք ստանալ օգնություն։