Եթե կարծում եք, որ ձեր նկատմամբ խտրական վերաբերմունք է դրսևորվել, ապա դուք տարբեր պետական մարմիններին բողոք ներկայացնելու իրավունք ունեք։ Պետք է ընտրել ձեր իրավիճակին համապատասխան պետական մարմինը։
Հայաստանում գոյություն ունեն մի շարք պետական մարմիններ, որոնք կարող են քննության առնել խտրականության դեպքերը։ Ընդհանրապես կարող եք ընտրել համապատասխան պետական մարմինը՝ կախված այն ոլորտից, որտեղ տեղի է ունեցել խտրականությունը։
կարևոր Որոշ դեպքերում այս մարմինները լիազորված են որոշումներ ընդունել և/կամ տուգանքներ կիրառել։ Եթե ցանկանում եք փոխհատուցում ստանալ, կարող եք դիմել դատարան։
Մարդու իրավունքների պաշտպան
Մարդու իրավունքների պաշտպանը լիազորված է քննելու գործը, տրամադրել եզրակացություն: Լրացուցիչ տեղեկությունը հասանելի է այստեղ՝ Մարդու իրավունքների պաշտպան։
Ոլորտային մարմիններ
Ձեր բողոքը կարող է քննվի նաև ոլորտային համապատասխան մարմնի կողմից, եթե խտրականությունը դրսևորվել է հետևյալ ոլորտներում.
Եթե կարծում եք, որ գործատուն խտրականություն է դրսևորել ձեր նկատմամբ, կարող եք բողոք ներկայացնել Հայաստանի Հանրապետության աշխատանքի տեսչական մարմնին։
Նույն մարմնին կարող եք դիմել, եթե կարծում եք, որ խտրականություն է եղել մրցույթային ընտրության ժամանակ։
Եթե կարծում եք, որ որպես պետական ծառայող կամ պետական ծառայության պաշտոնի թեկնածու ձեր նկատմամբ դրսևորվել է խտրականություն, կարող եք բողոք ներկայացնել վերադաս մարմնին, ապա՝ վարչական դատարան։ Այս ընթացակարգը նկարագրված է Հայաստանի Հանրապետության քաղաքացիական ծառայության մասին օրենքում։
Եթե կարծում եք, որ բժշկական օգնության հասանելիության հարցում կամ բժշկական ծառայության տրամադրելիս ձեր նկատմամբ խտրական վերաբերմունք է դրսևորվել, ապա կարող եք բողոք ներկայացնել Մարդու իրավունքների պաշտպանին:
Եթե կարծում եք, որ կրթական հաստատությունը խտրականություն է դրսևորել ձեր նկատմամբ, կարող եք բողոք ներկայացնել Հայաստանի Հանրապետության Կրթության տեսչական մարմին։
Այս ընթացակարգը սահմանված է Հայաստանի Հանրապետության կրթության պետական տեսչության մասին օրենքով:
Եթե ձեր բողոքը վերաբերում է ապրանքների և ծառայությունների մատչելիության ոլորտում խտրականությանը, կարող եք դիմել Մրցակցության և սպառողների շահերի պաշտպանության հանձնաժողով։
Այս մարմնի որոշումը կարող եք բողոքարկել կենտրոնի տնօրենին, ապա՝ վարչական դատարան։ Այս ընթացակարգը նկարագրված է Հայաստանի Հանրապետության սպառողների իրավունքների պաշտպանության մասին օրենքում: