Խտրականություն կարող է տեղի ունենալ տարբեր իրավիճակներում, ամենահաճախը՝ աշխատավայրում, կրթական հաստատություններում կամ ապրանքներ և ծառայություններ ձեռք բերելիս։ Պետական մարմինները, ինչպես նաև մասնավոր կազմակերպություններն ու անհատները կաշկանդված են խտրականության արգելքով և չեն կարող որևէ մեկին տարբեր կերպ վերաբերվել նրա հատկանիշների հիման վրա:
Ցանկացած տարբերակված վերաբերմունք, որը հիմնված է այնպիսի հատկանիշների վրա, օրինակ՝ տարիքը, ռասան, ազգային պատկանելությունը և այլն, ընդհանուր առմամբ արգելված է։ Սակայն խտրականությունն ավելի հավանական է որոշ ոլորտներում, քան մյուսներում։ Այդ պատճառով գոյություն ունեն հատուկ կանոններ զբաղվածության, կրթության, առողջապահության, ինչպես նաև հանրային հասանելի ապրանքների և ծառայությունների մատուցման ոլորտներում խտրականությունից պաշտպանության համար։
կարեւոր Խտրականություն հնարավոր է հանդիպել նաև այլ ոլորտներում և պաշտպանել քո իրավունքները, հատկապես այն դեպքում, երբ խտրականությունը դրսևորվում է պետական մարմինների կողմից, օրինակ՝ ոստիկանության կամ այլ իրավապահ կամ վարչական մարմինների։
Խտրականություն եվ մարդու իրավունքներ
Խտրականության արգելքը կարող է սահմանվել տարբեր օրենքներով և տարբեր ոլորտներում։ Ըստ Հայաստանի Հանրապետության Սահմանադրության իրավունքներն ու ազատությունները պետք է պաշտպանվեն և կիրառվեն առանց խտրականության։ Սակայն այն նաև ինքնուրույն իրավունք է, այսինքն՝ իրավունք, որի վրա կարելի է հղում անել առանձին՝ անկախ այլ իրավունքներից, և որը կիրառելի է պետության կողմից կարգավորվող ցանկացած ոլորտում։
Որոշ ոլորտներում, օրինակ՝ զբաղվածության ոլորտում, խտրականության արգելքը ավելի մանրամասն է։ Ընդհանուր առմամբ, կան ոլորտներ, որտեղ խտրականությունն ավելի տարածված է, և որտեղ Եվրոպական Միությունը ակտիվ է օրենքների մշակման գործում։ Այլ ոլորտներում պաշտպանությունն ավելի ընդհանուր է։
Այս բաժնի մասին
Այս բաժինը բացատրում է, թե ինչպիսի ամենատարածված իրավիակներում է դրսևորվում խտրականությունը: